«2024»Í dag«Mar»
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
M T M H F L S

 

Vága Dansifelag fekk í vikuni handað bókaverkið Føroya Kvæði, Corpus Carminum Færoensium, í sjey bindum, sum Svend Grundtvig og Jørgen Block hava greitt út hondum miðskeiðis í nítjandu øld.

Tey sjey bindini, Vága Dansifelag nú hevur fingið, eru tó ein væl yngri endurútgáva. Hendan útgávan er løgd til rættis av Chr. Matras miðskeiðis í seinastu øld.

Talan er um kvæðasavn, sum Heine Heinesen, Prest Heini, ættaður úr Miðvági og búsitandi í Danmark, legði eftir seg, tá hann andaðist í 2002.

Tað var sonur Prest Heina, ið eisini eitur Heine, ið vendi sær til felagið og spurdi, um áhugi var fyri at fáa savnið.

Heini og konan hava verið í Føroyum nakrar dagar, og á hesi ferðini fekk Vága Dansifelag handað gávuna, sum vit við takksemi hava tikið ímóti.